NÓS NUN ROBAMOS

                                                                                     Escuela 2.0

Llama l'atención la escasa información de los  precios de mercáu d'estos artiluxos ( ordenadores) con que cunten los técnicos de contratación pública del principáu, porque con un presupuestu inicial de 380.000 euros, resulta qu'Asturies ta dispuesta a pagar miniportátiles a un preciu de 304 euros la unidá.

Si tenemos en cuenta que'l preciu mediu d'un aparatu d'estos ta en redol a 240 euros, y que una alquisición de 1.250 unidaes tien de llevar apareyada por fuerza un descuentu sustancial, o les comisiones nel principáu son enforma mayores que na Cataluña converxente o'l provisor engraciáu col contratu va faer el negociu del sieglu, vendiendo un productu un cincuenta per cientu más caru del so preciu nel escaparate d'un comerciu minorista.

El PAS  aforrara 7500€ a los Asturianos/es , pero claro NÓS NUN ROBAMOS

Pa lleer les bases de contracion esti ye el enllace : http://www.asturias.es/bopa/2011/03/25/2011-05606.pdf

Los Asturianistes de Llanera denuncia'l caciquismu sectariu del Sr. Alcalde.

El pasáu Llunes día 14 la Unión Asturianista solicito llocal de xunta por aciu escritu formal realizáu al rexistru del conceyu .El so fin nun yera otru qu'el de presentar a los distintos medios de comunicación la candidatura d'esta formación a les próximes ellecciones municipales
N'escritu recibíu nel día de güei ,deniegasenos el permisu pa usu de llocal algunu, por envalorar Alcalde que la UNION ASTURIANISTA tien de presentar les sos candidatures UNA VEGADA LA CAMPAÑA ESTI EMPECIPIADA al dexase valorar la presentación de la mesma como un actu de campaña .


Envaloráu señor Alcalde ,sobre la falta de democracia que lleva exerciendo bien años nel nuesu Conceyu nun teníamos dulda dalguna , tampoco la teníamos sobre la so aptitú y sobre la so actitú pal desempeñu del puestu encamentáu como representante máximu de la soberanía popular en Llanera ( popular de pueblu non de partíu , esclariamos).Pero resúltanos indignante'l desconociendo ya ignorancia amosada por usté ente otros munchos nesti asuntu ,pos les candidatures preséntense antes de les municipales y non una vegada empecipiada la campaña Per otra parte una vegada en campaña municipal, los llocales municipales non autorizar los conceyos, si non les xuntes ellectorales.


Gracies Sr. Alcalde por atender tan rápido la nuesa solicitú, gracies pol so sectarismu na aplicación de les sos decisiones, gracies por quitar a Llanera de la mínima participación ciudadana, gracies en fin pol serviciu emprestáu a la nuesa democracia.


Dámos-y les gracies por que coses como esta faen reafitar más nel convencimientu de la necesidá d'un cambiu real pa Llanera, na necesidá de que los sos vecinos tengan voz nes instituciones, na necesidá en definitiva d'una nueva relación de los políticos con quien los escueyen .

En sofitu al Colexu Publico de Lugo de Llanera

Dende la Unión Asturianista de Llanera queremos amosar el nuesu total sofitu al Colexu Publico de Lugo de Llanera pola polémica prohibición” referida al fútbol n'hores del recréu ,Entendemos que la mesma fue consensuada cola AMPA y col conseyu escolar, tomándose esta midida atendiendo namá a criterios de seguridá y pa evitar posibles conflictos.


Esmoleznos especialmente esti asuntu por cuenta de que'l centru escolar a salíu a ocupar espacios en distintos medios de comunicación a nivel estatal , ya inclusive en redes sociales , siempres amosando al respective d'esta decisión una total desinformación polos motivos que llevaron a tomar d'esta decesion.



Creemos pos necesariu, poner un pocu de cordura nel asuntu, sumar esfuerzos y emponer estos a la solución definitiva de la tema , que pasaría a la nuesa manera de ver pola adecuación de les instalaciones de los colexos del nuesu conceyu.

Por esti motivu dende la UNION ASTURIANISTA pidimos la inmediata aprobación nun plenu estraordinariu d'una moción conxunta roblada poles trés fuerces polítiques con representación nel nuesu conceyu (PP,PSOE,IU ) encamentando al Gobiernu del Principáu a dar una inmediata solución a les cubiertes de los trés colexos públicos del nuesu conceyu . Dexando d'esta manera d'utilizar l'asuntu como una tema puramente ellectoral, faciendo usu correctu de la representación otorgada polos vecinos de Llanera en beneficiu de toos y non nel d'intereses ayenos al nuesu conceyu.

Xuan Xoxe Sanchez Vicente en Tele Asturies

Solución al problema d'hinchentes en Llugo de Llanera

 

Resulta sospriéndite ver a estes altures como'l seriu problema que suponen los repitíos hinchentes en  Llugo de Llanera son utilizaes una vegada mas de forma torticera polos grupos políticos mayoritarios del nuesu conceyu PP y PSOE pa echase los trastos a la cabeza .

El problema vien de llueñe y la falta de soluciones nun fai más que demostrar la total incapacidá d'unos y otros p'apurrir soluciones.

Apocayá'l Gobiernu d'España destino pal so famosu "PLAN E" la nada refalgable cantidá de 1.459.990” €.

L'usu d'estos fondos estatales en proyectos como l'ampliación d'un equipamientu deportivu en Lugo de Llanera o l'acondicionamientu y la meyora de la sienda piatonal Posada-Llugo antóxense pos  como un autentico luxu en tiempos de crisis .

 

Resulta malo de creer que dende amueso conceyu L'equipu de gobiernu denunciara en  “  repitíes ocasiones la falta de compromisu y la pasividá del Gobiernu Rexonal a la d'apurrir una solución pal problema qu'esiste col alliviaderu de Llugo de Llanera.” mas cuando la solución  presupuestaria a dichu problema podría asumise con cargu a esos 1459990 € del famosu Plan E .Recordando que'l presupuestu d'execución pal alliviaderu que supondría la solución a estos problemes seria aprosimao de 1000000€

Pero inda puede ser peor .Recordemos  al nuesu alcalde diciendo al Sr. Trevin :

 «Tamos encantaos de trabayar colos fondos estatales y cola coordinación qu'esiste ente les alministraciones locales y el gobiernu»

¿Daquién entender? Nós non

Pela so parte  dende'l PSOE de Llanera reclamen una y otra vez pa si, la concesión de dichos fondos ,como única inversión realizada en Llanera. Pa depués protestar por repitir hinchentes y la falta de soluciones.

Dende la UNION ASTURIANISTA denunciamos pos la neglixencia amosada por unos y otros , mas esmolecíos en fastos y folixes que na xestión eficiente del dineru publico, que na solución de problemes reales del nuesu conceyu.

Xuventú Asturianista organiza un actu d’alcordanza a la figura de Pachin de Melás

La fecha coincide col 78º aniversariu de la so muerte na cárcele d’El Coto

Xuventú Asturianista como organización asturianista tien entre los sos principios el conservar la nuesa llingua y la nuesa historia como país y d’esta manera nun podemos escaecer la fecha na que morrió una persona tan importante p’Asturies como foi Emilio Robles Muñiz, conocíu popularmente como Pachín de Melás.

Tratóse d’un granible y popular escritor de teatru, poesía y narrativa n’asturianu y en castellán que amosó coles sos obres conexón col Pueblu; comprometíu cola cultura asturiana y coles condiciones de vida de los obreros d’aquel entós (cosa que-y valió destierru pa Sama) participó n’innumberables periódicos de la dómina pidiendo nellos ente otres coses l’autonomía p’Asturies. Yera un verdaderu amante del so país, y esto demuestrase na defensa de la democracia, el progresu social y económicu y l’identidá nacional asturiana que reclamaba, pa lluchar escontra l’escaezu de los nuesos paisanos y del so exemplu de sacrificiu. Pachín de Melás foi un patriota.

L’actu homenaxe, que se celebrará n’Antigua Cárcele d’El Coto a les 12:00 hores del 5 de marzu; tará compuestu de distintes partes como llectura de poemes, actuación musical y contará cola participación de familiares del escritor xixonés.